Հեռավար ուսուցման մասին պատմում է Նոյի մայրիկ՝ Ռոզան։

«Մինչ կորոնավիրուսի կանխարգելման նպատակով ուսումնական հաստատություններում արձակուրդ հայտարարվեց,մեր կրթահամալիրն անցավ հեռավար ուսուցման։

Այս շաբաթը փորձեցինք հետաքրքիր ,ուսումնական ,ընտանեկան նախագծերով անցկացնել.համ քիչ եղանք մարդաշատ վայրերում,համ միասին շատ հետաքրքիր ժամանակ անցկացրեցինք։Դաստիարակ,ուսուցիչների կողմից նախապես ուղարկված նախագծեր իրականացրեցինք՝էլ մարզական,էլ խոհարարական,էլ ընթերցողական,մեկը մեկից հետաքրքիր ու հաճելի։Միևնույն ժամանակ փորձեցինք ավելի անկաշկանդ լինել խցիկի առաջ։Մյուս կողմից էլ բավական լավ տեղեկացվեցինք վիրուսներից պաշտպանման ձևերի մասին երեխաների պատումների միջոցով»։